இதழியல்

   நான் எதை கிறுக்கினாலும்
அதை திருத்தி கவிதையாக்கி
என் மாமனைப்போல வருமா?
எனக்கேட்டு முத்தமிடும்
உன் உதட்டுச்சுருக்கங்களுக்கு
சமர்ப்பணம் இந்த இதழியல்!

 இதமாய் ஆரம்பித்து
ரணமாய் முடிந்து
சுகமாய் வலிக்கிறது
முத்தக்கலவியல்.

இதுபோதும் என தொடங்கி
இப்பொழுது வேண்டாம் என சிணுங்கி
இயல்பாய் வழிகிறது உன் முத்தம்
இன்னும் என்ன என தூண்டி
அருவியாய் இறங்குகிறது என் முத்தம்! 

நிறைய முத்த வகைகள் இருந்தாலும்
எனக்கு தெரிந்தது இவ்விரண்டே!
நீ தருவது குருவி முத்தம்..
நான் தருவது பாம்பு முத்தம்.

எனக்கு
உன் முத்தம் என்பது
உதிர்ந்து கிடக்கும் ஒரு இலையை
கிளையோடு ஒட்டுவதாகும்.
எப்போதும் இணைந்திருக்காவிட்டாலும்
இணைந்திருக்கும் தருவாயே
உயிர் தளிர்த்திருக்கிறது.